永遠存在的台灣
詞曲｜柯仁堅 合唱編曲 │ 王希文
演唱｜林生祥、程伯仁、劉廷芳、蔡邵桓、康雅婷、張世珮、蔡恩霖、周家寬、國立實驗合唱團


Formosa 阮全心讚美妳 美麗田園 珊瑚海岸 青翠的山嶺
族群包容關懷 多元價值 有緣來牽長情 美夢相隨
雖然受到外邦的統治 時代挑戰 像走馬燈 堅強老百姓
苦難中團結一致 燦爛詩篇 多少英雄惦海湧中淘盡 
自由歌聲響徹周圍 從尚高山到西太平洋 番薯不驚落土爛
枝葉代代湠 勇敢台灣人 濟濟犧牲無怨恨 幸福就在這 歡喜悲傷鬥陣行
風雨同路 宿命把握在手中大聲喊 不管花開花謝 嘛不管濛霧外大
台灣咱生命
Formosa 阮全心守護妳 民俗風情 歷史古蹟 繁華成過去
平凡善良的故事 活在記持 宮廟埕 樹仔腳 流傳下去
有蓋多人嫌傳統不新奇 俗擱有力 水果芳甜 外國人攏甲意
物產資源金豐富 通食有剩 飲水思源 好康 無塊可比 
自由歌聲響徹周圍 從尚高山到西太平洋 番薯不驚落土爛
枝葉代代湠 雨夜的花蕊 凋落無人看見 到底置叼位 四界聽到妳名字
無厝孤鳥 半暝哮啾啾 乎人來輕視 發揚民族精神
不做別人的奴隸 總有一天出頭天 千百年歲月 季風交會所在 妳是沒怨的母親 乎咱無盡的疼惜
年輕的國家 驕傲站起世界大舞台
一生抱著咱的夢 永遠存在的台灣 一生靠著這個夢 永遠存在的台灣!
每一遍心內塊叫妳 永遠存在的台灣 Formosa 台灣